Naalakkersuisunngortitsiniarluni isumaqatigiinniarnerit sivitsortoortut
Naalakkersuinngortitsiniarluni isumaqatigiinniarnerni mikisualuttut kingulliit inissinniarnissaat imaannaanngitsuuvoq. Taamaammat partiit naalakkersuisunngortitsiniartut Siumut, Atassut aamma Partii Inuit isumaqatigiinniarnerit sivitsorniarlugit aalajangersimapput.
Allattoq Peter Troelsen, Simon Uldum
marsip 21-at 2013 12:21
Naalakkersuisunngortut qaqugu nalunaarutigineqassanersoq Naalakkersuisunullu ilaasortat assigiinngitsut kikkuussanersut suli nalunarallarpoq.
- Sammisat ilaat itinerusumik samminissaannut piffissaqarnerorusulluta aalangeqqammerpugut. Oqaloqatigiinnerit pitsaasumik ingerlapput aamma isumaqatigiinngissuteqanngilagit. Sorpassuit isumaqatigiissutigaagut, Naalakkersuisunut siulittaasunngortussaq Aleqa Hammond oqarpoq.
Atassutip siulittaasua Gerhardt Petersen, Inatsisartunut qinigaaanngitsoortoq partiinili sinnerlugu isumaqatigiinniarnermi partiiminik siuttorineqartoq Naalakkersuisunut siulittaasussap oqarnera nangillugu ima oqarpoq:
-Kukkussutaasarsimasut uteqqinnianngilagut, taamaammat itisiliilluta eqqartuinissatsinnut piffissaqarnerorusuppugut.
