Naalakkersuisoqarfinni pisortat soraarsitaajuartartut nunatta karsianut akisoqaat
Ilaqutariinnermut, Naligiissitaanermut Isumaginninnermullu Peqqissutsimullu Naalakkersuisup Martha Lund Olsenip naalakkersuisoqarfimmini pisortaq Susie Marthin Kjeldsen soraarsimmagu akileraartartut 1,6 million koruuninik akissarsiaanut soraarnerusutisiassaanut nutserneranilu aningaasartuutissaannut akiliipput.
AAMMA ATUARUK Ilaqutariinnermut Naalakkersuisisoqarfiup pisortaata atorfini aamma qimappaa
Namminersorlutik Oqartussat inatsisilerinermut pisortarisimasaat Andreas Salmony 2013-imi soraarsitaammat 3,2 million koruunit aningaasartuutigineqarput, Vittus Qujaukitsullu Aningaasaqarnermut Nunamullu Namminermut Naalakkersuisoqarfiani pisortaq soraarsitaammat Nunatta karsia 2,2 million koruuninik akiliivoq.
AAMMA ATUARUK Hardenberg naalakkersuisoqarfiup pisortaatut atorfimminit tunuartinneqarpoq
Pisortat soraarsitaaneranni 5 millionit koruunit saniatigut Svend Hardenbergip soraarsitaanera aamma aningaasartuutaassaaq, sulili soraarnerani immikkut pissarsiassai isumaqatigiissutiginiarneri, Sermitsiaq naapertorlugu, naammassinngimmata nalunarpoq qanoq annertutigissanersut.
AAMMA ATUARUK Inatsiseqarnermut pisortaq soraarsitaanermini aamma iluanaartitaalaavippoq
