Naalakkersuisoqarfik: Kaassuartakkanik issiavillit isersinnaasariaqarput
Kaassuartakkanik issiavillit isersinnaasariaqarput. Illuliat 2007-imi januaarip aallaqqaataata kingorna sananeqarlutilluunniit allanngortinneqarpata, inatsisit naapertorlugit kaassuartakkanik issiavilinnut isertarfilerneqarsimassapput. Ineqarnermut, attaveqarnermullu naalakkersuisoqarfik taama nalunaaruteqarpoq.
Allattoq Mads Lynge
novembarip 03-at 2009 07:21
Kaassuartakkanik issiavillit pisortat illuutaannut isersinnaannginnerat pillugu Sisimiuni qarmaasut naalagaata isornartorsiuinera pisortanit taperserneqarpoq, tamannalu pillugu naalakkersuisoqarfik nalunaaruteqarluni.
Ajornartorsiut Qeqqata Kommunianit ilisimaneqarpoq, sulisullu teknikkeqarnermut immikkoortortaqarfimmeersut, sanaartugassanik suliassinneqartartut sanasullu maanna pikkorissartinneqarnissaat siunniunneqarpoq, malittarisassat pillugit pikkorissartitsisoqalermat.
Sulisitsisut peqatigiiffiat peqatigalugu pikkorissartitsisoqassaaq, pisortallu pigisaannut kaassuartakkanik isertarfeqalernissaq pillugu ukiunullu tulliuttunut marlunnut ukiumut 1 millionit koruunit immikkoortinneqarlutik.
