Naalakkersuisoqarfik akuersissaaq
Pineqartoq 2008-meersuuvoq. Tusagassiortoq alumiiniumik aatsitsiviliorniarnermut aqutsinikkut ataqatigiissaarisut pillugit allagaatinik paasitinneqarnissaminik qinnuteqarmat, taamanikkut Inuussutissarsiornermut, Suliffeqarnermut Inuussutissarsiutinillu Ilinniartitsinermut Naalakkersuisoqarfimmit itigartitaavoq.
Itigartitsineq ataqatigiissarisut immikkut oqartussaasutut isigineqarnerannik, allagaatillu ataqatigiissaarisut iluinnaanni atugassatut suliarineqarsimanerannik taamaattumillu pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaanni § 7, nr. 1 tunngavigalugu tamanut paasissutissiissutigineqarsinnaannginnerannik tunngavilersorneqarpoq.
Taamatulli aalajangiineq Inatsisartut ombudsmandiata isumaqatiginngilaa.
Ombudsmandi isumaqarpoq tassani pineqartoq tassaasoq oqartussaasut assigiinngitsut akornanni suleqatigiiffik, taamaattumillu ataqatigiissaarisut allagaataat tassaasinnaanatik ataqatigiissaarisut iluinnaani atugassatut suliarineqarsimasut, allagaatitulli oqartussaasut suleqatigiittut akornanni paarlaateqatigiinneqarsimasutut isigineqartariaqartut.
Suliaq Inuussutissarsiornermut Suliffeqarnermullu Naalakkersuisoqarfiup suliareqqissagaa, Ombudsmandip inassuteqaatigaa.
