Naalakkersuisoqarfiit marluk pisortartaartut

Naalakkersuisoqarfinni marlunni pisortanik marlunnik Naalakkersuisut ullumikkut atorfinitsitsipput.
Allattoq Elisa Isaksen
septembarip 03-at 2009 16:49

Peqqissutsimut Naalakkersuisoqarfimmi Ann Birkekjær Kjeldsen pisortanngussaaq aamma Hans-Erik Bresson Nunami namminermut, Pinngortitamut Avatangiisinullu Naalakkersuisoqarfimmi pisortanngussaaq.

Ann Birkekjær Kjeldsen 46-nik ukioqarpoq Ilulissani inunngorluni peqqissaasutullu ilinniagaqarluni pisortatullu assigiinngitsutigut pikkorissartarsimalluni. Ann Birkekjær Kjeldsen Peqqissutsimut Naalakkersuisoqarfimmi 2009 februaarimiit pisortaanertut inissisimasimavoq , aggustimilu 2009-miit Peqqissutsimut pisortaqarfimmi pisortaagallartutut inissisimasimalluni.

Hans-Erik Bresson 49-nik ukioqarpoq inatsisilerituutullu ilinniarsimalluni. Taanna 1995-imiit Namminersornerullutik Oqartussani Nuup Kommunianilu assigiinngitsunik atorfeqartarsimavoq.

Pinngortitamut Avatangiisinullu Naalakkersuisoqarfik pilersinneqarmat, pisortaagallartutut inissisimasimavoq.

Naalakkersuisoqarfinni marluusuni pisortanngortut oktobarip aallaqqaataaniit atorfinitsinneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq