Naalakkersuisoqarfiit isumaqatigiinniutigineqalerput
anorooq-mi ippassaq ilanngunneqarpoq, naalakkersuisoqarfiit qassit partiinut agguataarneqassanersut isumaqatigiinniutigineqartussanut tullinnguuttut.
Meeqqanut suliniutinut tunngasoq tunngaviusumik ippassaq isumaqatigiissutigineqarpoq, Inuit Ataqatigiinniillu Kuuik Kleist oqarpoq, meeqqanut suliniutit 60 million koruunit missaanni akeqassangatinneqartut, taakkulu partiit tunulequtaasa nalilersuleruttoraat.
Kuupik Kleist ullaaq oqarpoq, meeqqanut suliniutinut aningaasaliissutit immikkut ittumik oqaluuserineqassasut. Suliniutit qanoq akeqassanersut naatsorsorneqareerput, aningaasaliissutillu suminngaannit tiguneqassanersut, tulleriiaaraluni pingaarnersiuinissaq suliniutillu qaqugu aallartinneqassanersut maanna oqaluuserineqassasut.
- Suut tamaasa januaarip aallaqqaataanit aallartinnissaannut akissaqartoqanngilaq, partiilli pingasut isumaqatigiissutigaat, suliniutit tamarmik qinigaaffiup iluani aallartinneqassasut. Kuupik Kleist erseqqissaavoq.
