Naalakkersuisoqarfiit agguataarnerat allanngortinneqassaaq
apriilip 15-at 2005 10:39
Namminersornermut aatsitassanullu naalakkersuisutut Jørgen Wæver Johansenip tunuarneratigut Tommy Marø naalakkersuisunngortinneqartussanngorpoq, tamannali pitinnagu oqartussaaffinnik allannguisoqarpoq.
Asii Chemnitz Narupip naalakkersuisuuffii ikilineqarput, ilaqutariissutsimut naalakkersuisuuffini Tommy Marømut tunniuttussanngorlugu.
Tommy Marø taamaalilluni ilaquriissutsimut eqqartuussiveqarnermullu naalakkersuisunngussaaq, Asii Chemnitz Narup peqqissutsimut naalakkersuisutut akisussaaffik tiguumminnassallugu.
Taamatuttaaq namminersornermut aatsitassanullu naalakkersuisoqarfiit naalakkersuisut siulittaasuata Hans Enoksenip nammineq tigusussanngorpai.
