Naalakkersuisoq tunuartinneqartoq
Savalimmiuni Lagmandi Jóannes Eidesgaard-ip, socialdemokratineersup Nunap Iluani Angallanermullu Naalakkersuisumik, Jacob Vestergaardimik ullumi tunuartitsinerata kingorna Savalimmiuni qinerssinissaq qanilligunarpoq.
Jacob Vestergaard, naalakkersuisuutitalinniit Folkeflokken-imeersoq tunuartitaavoq Savalimmiuni pisortat pigisaanni angallannermut suliffeqarfimmi pisortamik peqqusisimagami umiarsuit naalagaat marluk, biilinik Süderø-mut ikaartaammi naalakkat, soraarsitaareernikut atorfinitseqqissagai, naak pisortaq umiarsuup naalagaanik allamik atorfinititsereeraluartoq.
Lagmand Jóannes Eidesgaard oqarpoq, naalakkersuisut pisortat ingerlataasa qanoq aqunneqarnissaannut akuleruttarnerat akuerisinnaanagu.
Naalakkersuutitallit partiianniit Folkeflokkenimiit Jacob Vestergaardip tunuartitaanera suli qanoq iliuuseqarfiginiarneqarnersoq nalunarpoq.
Qinersinissarli ilimanarluinnarpoq, naalakkersuisooqatigiit ukiut sisamat naalakkersuisooreermata, qanorluunniit pisoqaraluarpat kingusinnerpaamik januaarip ulluisa 18-ianni 2008, qinersisoqartussaammat.
