Naalakkersuisoq tunuarpoq

Jørgen Wæver Johansen Namminersornermut, Inatsisinik atortitsinermut, Aatsitassanullu Naalakkersuisutut tunuarpoq. Tunuarninilu ima tunngavilersorpaa.

- Ukiup affaata ingerlanerani, Naalakkersuisut siulittaasuatalu isummersortarnitta assigiinnginnerat, taamaammat kinguneqartittariaqarpara, Jørgen Wæver Johansen oqarpoq, nangillunilu;- siumut ataatsimeersuarnerani qanoq pisoqarnera ingerlasimaneratalu, aalajangernerma eqqortuuneranik uppernarsaammanga.

Jørgen Wæver Johansen, massakkut inatsisartuni kiffaanngissuseqarnerulluni sulisinnaalerluni, oqarporlu Siumut partiiani politikkikkut anguniagassatut pilersitseqataaffigisimasani imaaliallaannarluni siumukkormiuiugami qimannaviarnagit.

Jørgen Wæver Johansen naalakkersuisutut tunuartoq tusarparsi. Naalakkersuisut siulittaasuat Hans Enoksen Jørgen Wæver Johnsenip tunuarnera pillugu oqaaseqartinniaraluaratsigu ullumikkut iluatsinngilarput. Naalakkersuisooqatigiinneersoq Inuit Ataqatigiit siuttuat Josef Motzfeldt oqarpoq Jørgen Wæver Johansen-ip naalakkersuisutut tunuarnera tusaatissatut tigullugu. Lars-Emil Johansen oqarpoq Jørgen Wæver Johansen-ip iliuusaa paasisinnaalluarlugu, Lars-Emil Johansen-lu allamik oqaaseqarumannginnerarpoq.