Qimmeq qimuttoq illersorneqassappat sukanganerusunik malittarisassaqartariaqarpoq. Taama naalakkersuisoq Jens Immanuelsen (S) isumaqarpoq.

Naalakkersuisoq qimmit qimuttut pillugit suliamut: Ilungersunarpoq

DNA-mik misissuinerit takutissimavaat qimmit qimuttut marluk Qeqertarsuarmeersut qimmit europameersut aamma qallunaatsiaat qimmerisimasaa pinngoqqaatitut sananeqaataannik akoqartut. Taama Kalaallit Nunaanni Qimussertartut Kattuffiat ilisimatitsivoq.

Ilungersunartoq ajuusaarnartorlu.

Taama naalakkersuisoq Jens Immanuelsen (S), ilaatigut uumasut nakorsaqarfiannik Naalakkersuisoqarfimmini atileqartoq, qisuariaateqarpoq.

Taanna qimmit qimuttut marluk  DNA-vanik misissuinerup inernera, Kalaallit Nunaanni Qimussertartut Kattuffiata ilisimatinneqarsimanera naapertorlugu, qimmit pineqartut marluk allanertanit akusaasut paasineqarsimanerat pillugu taama qisuariarpoq.

- Naatsumik oqaatigalugu erloqinarpoq, Jens Immanuelsen taama akivoq. Taassuma naqissuserpaa qimminik qimuttoqarfimmut qimminik allanertanik ullumikkut eqqussisoqaqqusaanngitsoq.

- Taamaammat siunissami una pisariaqartoq takuara qaammarsaasoqarnerusariaqartoq killissap sumiinnerinik. Taamaalilluni tamanna kikkut tamarmik ilisimalerpassuk pinaveersaartitsineq annerusoq aqqutissiuunneqarsinnaammat. Una sammisaq kisiat eqqarsaatiginagu - nunarpulli tamaat, Jens Immanuelsen oqarpoq, nangillunilu:

AAMMA ATUARUK KNQK: Qeqertarsuarmi qimmit qimuttut marluk allanertanik akusaasimapput

SULIAP INGERLANIKUUNERA:

Januar 2018:

  • Kalaallit Nunaanni Qimussertartut Kattuffiat, KNQK, pasilliutinik anngussivigineqarpoq.

Oktober 2018:

  • KNQK-p Qeqertarsuarmiut Kangerlummiullu pasilliuteqartoqarnera pissutigalugu oktobarip 17-ani 2018-mi Avannaata Qimussersuanut mattummagit suliaq avammut saqqummiunneqarpoq.

November 2018:

  • Inatsisartut aalisarnermut piniarnermullu ataatsimiititaliaata taamani aalisarnermut piniarnermullu naalakkersuisuusoq qimmit pasilliutigineqartut DNA-vi misissorneqassasut piumasaraat. Misissuiffigineqalereerpulli.

Marts 2019:

  • Kukkuluttuttoqarneratigut DNA-mik misissuineq januarimili piareersimasussaangaluaq kinguarpoq.

Maj 2019:

  • DNA-mik misissuineq piareerpoq - inernerali isertuunneqarpoq.

Juni 2019:

  • Kommune Qeqertalimmit uppernarsarneqarpoq qimmillip kissaateqarneratigut qimmit pasilliutigineqartut oktobarip 25-ani 2018-imi toqunneqarsimasut.

Juli 2019:

  • Aalisanermut piniarnermullu naalakkersuisup uppernarsarpaa innuttaasup suliamut akuusup inatsisitigut innarlitsaaliugaanerata qulakkeerneqarnissaa kiisalu sulianik suliarinnittarnermi pisortat sulianik pineqaatissiissutaasinnaasunik suliaqarneranni tunngaviinut malittarisassat eqqortinneqartussaaneri.

Oktober 2019

  • Suliaq eqqartuussivimmut anngunneqassangaluaruni pisoqalereersimassammat politiit suliamik misissuinerminnik unitsitsipput.

December 2019

  • DNA-mik misissuisimanerup inerneri Kalaallit Nunaanni Qimussertartut Kattuffiat aqqutigalugu avammut siaruarneqarput.

- Qimmeq qimuttoq aningaasarsiutigaarput. Tassa takornariartitsinermi annertuumik atugaavoq. Aamma qularnanngitsumik tuniniarneranut atatillugu oqaluttuassartaa ilaasimassaaq. Taamaammat tassunga killittoqarnera ilungersunartutut oqaatigisariaqarpoq.

Kalaallit Nunaanni Qimussertartut Kattuffiata ilisimatinneqarsimanera naapertorlugu Qeqertarsuarmi qimmit qimuttut marluk  misissorneqarnerisa inernerisa kingorna Qimmeq Porjektimeersut qimmit pingasunik ukioqalersimanngitsut tamarmik DNA-vanik tigusisoqassasoq.

 

AAMMA ATUARUK Pasilliutit nutaat: Qimmit allanertat piaraat Qeqertarsuarmi suli qimmerineqarput

Kisianni Jens Immanuelsen taama tigussaatigisunik innersuussaqarusunngilaq:

- Taannartaa oqaatigiuminaappoq. Pissutigalugu pasitsaanneqarsimasut allat uatsinnut apuutsinnagit suliap qanoq ingerlariaqqinnissaa oqaatigereerneqarsinnaanngimmat, Jens Immanuelsenip Kalaallit Nunaanni Qimussertartut Kattuffiata qimmit qimuttut marluk pineqartut piaraannik amiakkoqarnerarlugu ukioq manna oktobarimi pasilliutinik anngussivigineqarsimanerat innersuussuigalugu taama oqarpoq.

Kalaallit Nunaanni Politiit Namminersorlutik Oqartussat suliassanngortitsinerata misissuiffiginissaa unitsinnikuuaat suliaq naammassineqassangaluaruni akiligassiinermik kinguneqartussaammat, taamaalillunilu eqqartuussivimmut anngunneqartuuguni pisoqalereersimasussaammat.

AAMMA ATUARUK Slædehundesag: Politiet dropper efterforskning

Qimmit qimuttut pillugit malittarisassanik unioqqutitsisoqartillugu sukannernerusumik kinguneqartitsisoqartassanersoq Immanuelsen aperineqarami ima akivoq:

- Immikuullarissutaa illersorneqassappat; Aap, sukanganerusoqartariaqarpoq.

KNR-imit allagaatinik takunnissinnaatitaanermut periarfissaq atorlugu Qeqertarsuarmi qimmit marluk pineqartut DNA-vanik misissuinerup inerneranik oktobarimili piniarsimagaluarpugut. Aalisarnermullu piniarnermullu naalakkersuisoqarfimmit ulloq manna tikillugu suli akineqarsimanngilagut arlaleriarluta nukingisaaruteqartaraluarluta.

Qeqertarsuarmi qimmit pingasunik ukioqalersimanngitsut tamarmik toqunneqarnissaat Qimmeq-Projektip innersuussutigisimagaa siusinnerusukkut allaqqavoq. Tamannali eqqunngitsoq Qimmeq-projektimeersut arfininngornermi erseqqissaatigaat.

Qimmeq-projektip qimmit DNA-visa misissorneqarnissaat kisiat innersuussutigaa. Tamatuma kingorna susoqassanersoq politikkikkut aalajangigassaasoq, professori Qimmeq-projektimeersoq Morten Meldgaard allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat