Naalakkersuisoq Ane Lone Bagger Washingtonimi ippassaq oqalugiarpoq. Toqqorsivimmit assiAssi: Ane Lone Bagger

Naalakkersuisoq: Nunami allamiut ilisimatusarnerat Nunatsinnut iluaqutaassaaq

Amerikamiut ilisimatusarnerminni ilisimatusartut nunatsinneersut suleqatiginerusalissavaat. Ilisimatusartut nunatsinneersut USA-meersullu taama isumaqatigiissuteqarput.

Ilisimatusartut politikerillu nunatsinneersut, USA-meersut Danmarkimeersullu, ilisimatusarneq pillugu Washingtonimi ataatsimeersualeruttorput, suleqatigiinnerunissarlu tassani pingaarnertut oqallisaavoq.

Kultureqarnermut, Ilageeqarnermut Nunanullu Allanut Naalakkersuisoq Ane Lone Bagger (S) Washingtonimi ataatsimeersuarnermi peqataavoq, tassanilu aamma oqalugiartunut ilaalluni.

- Ilisimatusartut amerlasuut nunarput tikeraartarpaat, amerlasuutigulli inuiaqatigiinnut ungasittarlutik. Suliat tamakku inuiaqatigiinnut sunniuteqarnerunissaat kissaatigaarput.

- Taamaattumillu Kalaallit Nunaanni ilisimatusartut ataatsimoorfissaannik pilersitsinissaq sulissutigaarput, ataatsimoorfissaq ilisimatusartut inuiaqatigiillu naapittarfiattut inissisimassaaq, Ane Lone Bagger oqarpoq.

Wilson Centerimi oqallittoqarpoq, Kalaallit Nunaatalu Washingtonimi sinniisoqarfiata Wilson Center suleqatigalugu oqallinneq aaqqissuuppaa.

- Issittumi Kalaallit Nunaannilu ilisimatusarneq soorunami Kalaallit Nunaannut pingaaruteqarpoq. Taamaattumillu oqaaseqarninni nunarsuarmioqatigiit ilisimatusarnerup iluani suleqatigiissinnaanerata pingaaruteqassusaa, tassuuna ilisimatusarnerup Kalaallit Nunaannut inuiaqatigiinnullu suleqateqarnissaq pingaartillugu oqariartuutigaara, Ane Lone Bagger oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat