Naalakkersuisoq: Nakkutilleeqqusineq isumaatsoq

Naalakkersuisut ilassinnissutinik atuinerminnut nakkutiginnilluanngippata Danmarkip Kalaallit Nunaannut ukiumoortumik aningaasaliissutai Naalagaaffiup kukkunersuisuinit nakkutigineqalertariaqarput, taama Danmarkimi aningaasarsiornermut ilisimatooq Martin Paldam inatsivoq. Aningaasanut naalakkersisup Josef Motzfeldt-ip Martin Paldam paasisinnaannginnerarpaa:

- Naalagaaffeqatigiinnerup iluani Namminersornerulersimanermut inatsisip aaqqissuussaanera arajutsisimassaguniuk tupinnassaqaaq. Namminersornerullutik Oqartussat kukkunersiuinermut Ataatsimiititaliaata naliliisinnaanerat danskit ataatsimiititaliaannit nikanarnerusut isigisimassaguniuk tamanna akisussaassuseqanngitsuliornermik uungaaraannarluni isigaluni eqqarsarnerusowq, Josef Motzfeldt oqarpoq.

Nunatsinni kukkunerit nunatsinni aaqqinneqartussaasut aningaasanut naalakkersuisoq erseqqissaavoq.

- Folketingi Martin Paldam-ip naliliineranut nakkaannassaguni, taava Folketingip naalakkersuinikkullu akisussaasut Namminersornerulersimanermut Inatsit tamakkiisumik nalilersoqqittariaqalissavaat.

- Aasimmiaa danskit akileraartartunnguit nunatsinnut akiliuteqartarnerat naalliunnartorujussuartut isigineqassappat, taava nunatta Danmakkillu akornanni pissutsit tamakkiisumik nalilerneqartariaqassapput taamaassappat, Josef Motzfeldt oqarpoq.