Kigutinik nalorsaaneq nunatsinni tamarmi meeqqanut neqeroorutaalissappat peqqinnissaqarfimmut akisuallaassaaq. Peqqissutsimut naalakkersuisuujunnaaqqammertoq, Martha Abelsen, Sofia Geislerimut (IA) akissutimini taama allappoq.Assi: KNR

Naalakkersuisoq: Meeqqat kigutaannut narlorsaatit akisuallaaqaat

Nunatsinni tamarmi meeqqat kigutaannut narlorsaatinut ukiumut 15 millioniniit 20 millionit koruunit tungaannut aningaasaliisoqartarnera akisuallaartoq, Naalakkersuisut isumaqarput. Taamaammat nunatsinni Nuummilu meeqqat tamarmik pinngitsoortariaqarpaat.

Nuummi meeqqat tamarmik kigutinut narlorsaaserneqartarunnaassapput. 

Nunatsinni illoqarfiit pingaarnersaanni, Nuummi, kigutileriffiit kigutinik aaqqiinermik immikkut ilinniarsimasunik sulisussaaleqimmata, kigutinut nalorsaaneq Naalakkersuisunit unitsinneqarpoq.

Kigutit Nuummiinnaq immikkut ilinniarsimasunik kigutilerisoqarfiusumi maannamut nalorsartinneqarsinnaapput.

Nunatsinnili meeqqat kikkulluunniit kigutitik nalorsartissinnaajunnaassavaat. Tamannami nunatsinni tamarmi neqeroorutaalissagaluarpat, ukiumut 15 millioniniit 20 millionit koruunit tungaannut aningaasaliissutigineqartassammata, tamannalu akisuallaaqaaq. 

AAMMA ATUARUK Naalakkersuisut Nuummi kigutinik narlorsaasarnerit unitsikkaat

Peqqissutsimut naalakkersuisuujunnaaqqammertoq, Martha Abelsen (S), Sofia Geislerimut (IA) akissutimini taama allappoq.

Tamatuma saniatigut Nuummiinnaq meeqqat kigutaat maannamut nalorsarneqartarnerat akuersaarneqarsinnaangitsoq, Naalakkersuisut isumaqarput.

- Nunami tamarmi innuttaasunik immikkut pinnittoqarnera kigutinillu narlorsaanerup nuna tamakkerlugu neqeroorutaannginnera peqqutigalugit Naalakkersuisut aalajangerput, kigutinik nalorsaanermut neqeroorut unitsinniarlugu. Taamaammat aningaasat kigutinik aaqqiinikkut kigutinik equnaveersaasiinermut atorneqassapput. Martha Abelsen akissutimini allappoq.

Kigutileritinneq: Kigutaarsittoqarsinnaavoq

Taamaammat kigutaarsinnikkut kigutit aaqqinneqartalissapput. Tamanna ukiumut 2,3 millionit koruuninik akeqassaaq.

Nunatsinni meeqqat kigutaat equnaveersaartinniarlugit illoqarfinni allani meeqqat maannamut kigutileritittarnerasuulli piffissaagallartillugu kigutaarsittalissasut, Martha abelsen allappoq.

AAMMA ATUARUK Færre børn kan i fremtiden få bøjle på tænderne

Meeqqat kigutimik equgaerat pillugut, Nuummi kigutiginsaasumit passunneqartut, passunneqarnerat inaarneqassaaq. Maanna passussinerit ukiuni ikinnerpamik pingasuni atorunnaaarsikkiartuaarneqassapput.

Kigutit namminersortunut nammineq akiliilluni equganaveersaasertinnissaat suli ajornassanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat