Kalaallit Nunaanni inuussutissarsiutit Berlinemi nitttarsaanneqarmata Jess Svane saqqummiussivoqAssi: Naalakkersuisut

Naalakkersuisoq: Erngup Berlinemi nittarsaanneqarnera soqutigineqarluartoq

Inuussutissiornermut Naalakkersuisoq Jess Svane ulluni makkunani Europami angalavoq, erngup sermersuarmeersup tuniniarneqarsinnaanera nittarsaallugu. Marlunngornermi Berlinimi nittaasaassisoqarpoq.

Nittarsaassinermi angalaqatigiit 50-it missaannik amerlatigisut marlunngornermi Berlinimi danskit aallartitaqarfianni nittarsaassineranni inuit 80-it missaanniittut takkupput, erngup sermersuarmeersup tunisassiarineqarsinnaanera tusarnaariarlugu, aamma Kalaallit Nunaanni  takornariarfissat paasiniarlugit. 
 - Imeq sermersuarmiit kuuttoq qanoq ililluta tikikkuminarsarsimaneripput, qanoq ililluta ukiorparujussuit siumut isigisumik aallerfigineqarsinnaasoq nassaarisimaneripput oqaluttuaraarput, Jess Svane oqarpoq. 

Danmarkimi Kalaallit Nunaannilu ujarassiuut misissuiviat GEUS, sinerissami sumiiffini tallimani 
misissueqqissaarput,  taakkunani imermik tunisassiorsinnaaneq periarfissaqarluartoq paasivaat, taakkualu septemberip aallaqaataata tungaanut suliariumannittussarsiuunneqartut, Naalakkersuisut nittartakkaminni taama allapput. 

Svane: Aakileraarutit ilanngaatillu  qaffasinerujussuat akornutaasimavoq.

Imermik Kalaallit Nunaanneersumik kingullermik avammut tunisassiortoqarpoq 2009-miit 2015-mut Qeqertarsuarmi.
Takorluukkanummi 2009-mi saqqummiunneqartunut naleqqiullugu tunisassiarineqartut annertugisassaanngillat, KNR-imi ukioq 2015-mi taama allaaserisaqarpugut.  
- Taamanikkut akileraarutit aamma ilanngaataasussat oqimaatsorujussuarmik inissisimanikuupput, Jess Svane oqarpoq. 

AAMMA ATUARUK Imeq nukissiuutillu minguitsut: Inuussutissarsiuteqartut Europami nittarsaassisut

- Maannakkut Inatsisartutigut Naalakkersuisutigullu nunatsinni tunissassiarineqarnissaannut  akileraarutitigut annikiliisaaneq pinikuuvoq, taamaalilluni sukkanerusumik niuersinnaaneq  aamma aningaasarsiorsinnaaneq pilersinnaaniassammat, Jess Svane  oqaluttuarpoq 

Berlinimi nittarsaassisoqarnerani imermik tunisassiorfiusinnaasuni misissueqqissaartoqarsimanera soqutigineqartorujussuusoq, Jess Svane oqaluttuarpoq

Qaqugu imermik  tunisassiortoqarsinnaalissanersoq Svanep oqaatigisinnaanngilaa

-  Oqaatigiuminaappoq qaqugu imermik tunisassiulersinnaanersugut,  sumiiffiit tallimat septemberip aallaqqaataata tungaanut  suliariumannittussarsiuunneqassapput, tassanngaaniillu takuneqarsinnaassaaq qanoq sivisutigisumik piareersartoqarsinnaanersoq, Jess Svane oqarpoq. - Oqaatigiuminaappoq qaqugu imermik tunisassiulersinnaanersugut, Jess Svane oqarpoq. 

Nittarsaassillutik angalasut suliassaasa tulleraat Parisimi nittarsaassineq tamanna pissaaq 
sisamanngornermi oktobarip 24-anni tassani  Kalaallit Nunaat Ulloqartinneqassaaq Danmarkshusimi Champs-Élyséesimiittumi.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat