Naalakkersuisooqatigiit nutaamik isumaqatigiissusiorput
Naalakkersuisooqatigiit Inuit Ataqatigiit Siumullu naalakkersuisooqatigiinnerminni isumaqatigiissutertik nutarterlugu inaalerpaat.
Inuit Ataqatigiit naalakkersuisooqatigiinnermi isumaqatigiissummut allannguutissanik suliaqareerlutik, siunnersuutitik Siumukkunnut ippassaq tunniuppaat.
Inuit ataqatigiit isumaqatigiissutissami inunnik iusmaginninnermut tunngasuni nutarteriniartut tusarfiit tutsuiginartut oqaatigaat.
Naalakkersuisooqatigiinnermi isumaqatigiissut Septembarimi 2003-mi atsiukkami angorusunneqarput Namminersulernissaq, nunanut allanut attaveqarnerunissaq, nunap pii uumasut uumaatsullu atorluarnissaat.
Siumukkormiut akunnerminni akit assigiikkunnaarnissaat pillugu assortuutileraluarmata Inuit ataqatigiit suleqataajunnaarnissamik aggustimi eqqarsaateqaleraluarput, tamannali qaangiuppoq.
Naalakkersuisooqatigiinnermilli isumaqatigiissut suli inissivinneqanngilaq, IA-kut Siumukkullu isumaqatigiissutigisimagamikku isumaqatigiissutissat isumaqatigiissutigeqqaarlugit aatsaat avammut tusarliussaqarniaramik.
