Naalakkersuisooqatigiit isumaqatigiissutaat saqqummiunneqanngikkallasaaq

Siumup Inuit Ataqatigiillu naalakkersuisooqatigiinneranni isumaqatigiissutip nutartikkap ualeru saqqummiunneqarnissaralua piffissami taaneqanngitsumi kinguartinneqarpoq. Tamatumunnga pissutaasoq partiit arlaannaannilluunniit nassuiarneqanngilaq.

Qinigaaffiup matuma ingerlanerani Siumup Inuit Ataqatugiillu naalakkersuisooqatigiinnermi isumaqatigiissutit marluk atsioreerpaat, pingajuatali atsiornissaa suli tassa kinguarsarneqarpoq. Isumaqatigiissutip kingulliup nutarterneqarnissaa ilaatigut makkuninnga imaqarput:

Meeqqat aningaasanik ileqqaagaqalernissaannut aningaasaliinissaq.

Akileraartarneq eqqarsaatigalugu akissarsiaqarnerit akileraarnerusalernissaat anguniarneqassaaq.

Inunnik isumaginninnermut tunngasuni isumaqatigiissummi nutarterisoqassaaq. Soorlu erninermi sulinngiffeqartarnerup sapaatit akunnerinik arlalinnik sivitsorneqarnisaa.

Meeqqat pingitsooratik nakkutigineqarnissaannik qulakkeerinnittarnissaq.

Sulisinnaajunnaarsimasut immikkut 50 million koruuninik aningaasaliiffigineqarnissaat.

Aalisarnermut politikkissamik nutaamik sanasoqarnissaa aamma piumasarineqalerpoq, Islandi Savalimmiullu peqatigalugit aalisarnermut politikkiliornissaq siunertarineqassammat.

Inatsisartut ataatsimii toqqaannartumik radiokkut aallakaatitsisarneq nalilersorneqaqqissasoq naalakkersuisooqatigiit isumaqatigiissumminni aamma ilanngussimavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat