Naalakkersuisooqatigiissinnaanermik Atassut aalajangiisuusinnaavoq
Atassutip partiia naalakkersuisooqatigiissinnaanermik aalajangiisuusinnaavoq, siullertullu oqaloqatigisassatut ornissavaat Siumup partiia, tamannalu Atassutip siulittaasuata Finn Karlsenip oqaatigaa aalajangiisuunavianngitsoq.
- Partiit tamarmik suleqatigiissinnaasut qineqqusaarnermili oqaatigereerparput, kisianni pilliuteqarnikkut, Atassutip siulittaasua oqarpoq.
Erseqqissumik oqartarnerarpoq, Inuit Ataqatigiit allaat suleqatigilersinnaalersimagitik, naak tamanna ukiuni ’70-ikkunni/’80-ikkunni tamanna takorloorneqarsimasinnaanngikkaluartoq.
Partiip annerpaap oqaloqatiginnissamik aallartitsisussaaq ataqqissagitsik, qinersisaat amerlaqimmata demokratii tunngavigalugu imaaliinnavillugu sumiginnarnissaa Finn Karlsenip orniginartinnginnerarpaa.
Demokraatit, Inuit Ataqatigiillu Atassullu partiitut suleqatigiissinnaanerat takorloorneqarsinnaanersoq aperineqrami oqarpoq, tamanna takorloorneqarluarsinnaasoq, aatsaalli oqaloqatigiinnerit pereerpata tamanna nalunarunnaarumaartoq.
