Naalakkersuisooqatigiinnermi isumaqatigiissut nutarterniarpaat

Allattoq Jaaku Lyberth
apriilip 28-at 2007 13:15

Raajat pillugit nalunaarut nutaaq ukiortaami atuutilersoq inatsisartuni marlunngorpat amerlanerussuteqartunit itigartitsissutigineqarpat, Inuit Ataqatigiit naalakkersuisotigiinnermi isumaqatigiissutigineqartoq nutartinniarpaat, naalakkersuisooqatigiinnermiillu tunuassanerlutik maannangaaq oqaatigisinnaanngilaat, taamatut oqarpoq aalisarneq pillugut ataatsimiititaliami siulitaasoq Ane Hansen. IA. Ualimut Inuit Ataqatigiit tusagassiortunit katersortitsinerminni raajat pillugit nalunaarummi nutaami iluaqutit saqqummiuppaat, ilaatigut kilisaatini inuttanut iluanaarutitut taasaaat.

Inatsisartuni ilaasortat amerlanerussuteqartut, aammalu inatsisartut aalisarneq pillugu ataatsimiititaliaani ilaasortat, IA kisiat pinnagu, raajat pillugit nalunaarutip nutaanngitsup atuutiinnarnissaa piumasaraat.