Naalagiarneq qilaatersornertalik
Ukioq manna palasit ataatsimeeqatigiinnerat aallarnerlugu ullumi sapaammi naalagiaqatigiittoqarpoq. Sisimiut Oqaluffianni biskop Sofie Petersenip peqataaffigisaanni qilaatersornertalimmik naalagiaqatigiittoqarluni.
Naalagiaqatigiittoqarnerani qilaatersortoqarnera eqqarsaatinik nutaanik pilersitsinissaa neriuutigineqarpoq.
-Qilaat siunissami kristumiussutsip nalunaajaatiginerani qanoq atorneqarsinnaajumaarnersoq sumiiffinni ataasiakkaani qitiusumiillu maannamiit oqallisigineqassaaq, taama Biskoppeqarfik aamma Ilageeqarnermut Naalakkersuisoqarfik, tusagassiutinut nalunaarumminni allapput.
Isumassarsisuupput biskop Sofie Petersen aamma Ilageeqarnermut Naalakkersuisoq Mimi Karlsen.
Sisimiut Oqaluffianni naalagiaqatigiinnermi Leif Immanuelsen erinarsorlunilu qilaatersortuuvoq.