Naalagaaffiup tapiissutai Savalimmiuni oqqassutaapput

Savalimmiunili partiit annersaata, namminersulivinniat partiiata Republikanerit, tamanna akerlerilluinnarpaa. Taamaaliorneq politikkikkut akisussaasuseqanngitsuliornerusoq, partiip siulittaasua Høgni Hoydal, oqarpoq.

- Nunarput nammineertumik aningaasarsiorluni namminersulissasoq oqartuarpugut. Taamaammat ataatsimoortumik tapiissutinik pisariaqartitsiunnariartornissaq pingarteqaarput. Isumaqarpugummi aatatsimoortumik tapiissutit Savalimmiuni aningaasarsiornikkut ineriartornissaq pakkersimaaraat. Taamaammat atatsimoortumik tapiissutit 2001-mi pingajorarterummik ilanngaratsigit nikeriarneruvoq, Høgni Hoydal oqarpoq.

Taamaaliorsimanngikkaluarunik, ullumikkut 1,4 milliard koruuniussagaluartut, ullumikkutut 615 millioner koruuniunatik, oqaatigaa.

- Isumaqarpugut, Savalimmiuni atugarissaarnitsinnut akisussaassuseqartumik aningaasaqarnikkut politikkeqarneq tunngaviusoq, naak aamma uagut anigaaasarsiornikkut ajornartoornermit eqqugaagaluarluta, Høgni Hoydal tunngavilersuivoq.

Kisanni Savalimmiut aningaasaqarnikkut maanna ajornartooqqavoq, taamaammallu aningaasat pissarsiarineqarsinnaasut pissarsiarinissaat pisariaqarpoq. Ataatsimoortumillu tapiissutit amerlerinerisigut aningaasanik ajornanngitsumik pissarsisoqarsinnasoq, tunngavilrsuutigineqarpoq.

- Soorunami politikeritut ajornanngitsuararsuuvoq oqassalluni, "aningasarsiornikkut akisussaassuseqanngitsumik politikkeqareerpugut, taava Danamarkimut aningaasanik pissarsiuinnassuugut". Tamannarpiaruna ajornartorsitaasoq. Savalimmiuni patajaatsumik imminullu nappassinnaasumik aningaasaqalissagutta, taava inuiaqatigiittut ingerlanerput qanoq aningaasalersussanerlugu misissortariaqarparput, tassa qanoq isertitagut innuttaasunut naapertuunnerusumik agguaassinnaanerigut, Høgni Hoydal oqarpoq.

Taassuma eqqaasitsissutigaa, Savalimmiuni aningaasaqarneq qanga akisisussaassuseqanngitsumik ingerlanneqarsimasoq. Inuiaqatigiit aaqqissussaaneranni aaqqittariallit aaqqinneqatarsimanngillat aammalu nuannanerineqanngikkaluartunik pisariaqartunilli aaqqiinissaq pinngitsuoortarsimavoq, illuanilli aningaasanik amerlanerusunik Danamarkimiit tapiissutisinissaq imaluunniit allaniit atorniarnissaq aaqqiissutitut atorneqartarluni.

- tamatumnga kinguneraa, Savalimiut namminersorneruleramilli pingasoriarlutik aningaasaqarnerat nakkaattoorsimammata, Høgni Hoydal oqarpoq.

Ataatsimoortumik tapiissutit 1990-ikkunni Savavalimmiut ataatsimoortumik a ingaasaqarnerata sisararterutaanik naleqarput, maannakkulli 5 procentiata missaannik naleqarlutik.