Naalagaaffiup sinniisaatut atorfimmiit pisortaanermut
Borgmesteri Asii Chemnitz Narup ima allappoq:
- Kommunalbestyrelsip Søren Hald Møllerip pisortaqarfinni ukiorpanngortuni misi-littagaqarlunilu ilisimasaqarnera pissutigalugu pisortaanertut atorfinitsinneqarnissaa aalajangiuppaa. Piginnaasamigut, ilinniarsimasamigut aammalu misilittakkamigut tunuliaquttani tunngavigalugit kommunimi aqutsisuni siuttuussaaq, siunniussanillu piviusunngortitsinissamut tunngavissiiumaarluni, borgmester Asii Chemnitz Narup oqarpoq.
Søren Hald Møller pisortaanertut atorfittaamini 2011-mi januaarip 15-iani aallartissaaq.
Søren Hald Møller naalagaaffiup Kalaallit Nunaanni sinniisuutitaatut atorfeqarpoq. Kalaallit Nunaanni atorfiit qaffasissut arlallit atorfigisimavai, ilaatigut Namminersornerullutik Oqartus-sani pisortatut aammalu KNI Holding A/S-imi pisortaanertut.
Søren Hald Møller Aalborgip Universitetiani cand.phil.-itut 1984-imi ilinniagaqarpoq. Pisortat isumaqatigiinniartartuisa Nuummi immikkoortortaqarfiani 1986-imi atorfilittut sulilerpoq, tamatumalu kingorna Nuummi najugaqaannarsimalluni. Naalagaaffiup Kalaallit Nunaanni sinniisuutitaatut 2005-imili atorfeqarpoq.
