Naalagaaffiup aningaaserivissuata nunatta aningaasaqarnera ernumanartoqartikkaa

Aalisarneq nunatsinni ingerlalluarpoq – allaallu ingerlalluarpallaartoq, Naalagaaffiup aningaaserivissua misissuinermini naliliivoq. Qeqertarsuup Tunuani aalisapilunneq pisortallu aningaasaliingaatsiarnerat kingunipiloqarsinnaasut, naliliinermi allassimavoq.

Nunatta karsiata aningaasaqarnera siumut ingerlavoq. Avammut tunisaqarneq 2015-imiit qaffapiloorpoq, nunatsinni tunisat ataatsimut nalingata qaffariarnera 2015-imiit 2016-imut ukiup siulianut sanilliullugu sisamariaataat sinnerlugu allivoq, Namminersorlutik Oqartussat inuiaqatigiinnilu atuineq ukiuni kingullerni qaffappoq.

Taamaakkaluartorli Naalagaaffiup aningaaserivissuata ineriartorneq kingunipiloqarsinnaanera aarlerisaarutigaa. Tamanna Nunatta aningaasaqarneranik misissueqqissaarnermi saqqummersinneqaqqammersumi atuarneqarsinnaavoq.

Pingaartumik qaleralinniarnerup ineriartornera qalerallit amerlassusaannut aningaasaqarnermullu kingunerlussinnaavoq.

- Sinerissamut qanittumi aalisarnermi, kangerlunni immap sinerissallu akornanni pisartumi, aalisartoqarpallaarnera takussutissaqarpoq, ingammik Diskobugtimi, Naalagaaffiup aningaaserivissua nalunaarusiami allappoq.

Kingunerluutit assersuutigalugu qalerallit nunani tamalaani tuniniarneqarnerata akia apparpat aamma takkussinnaasut, naliliinermi allassimavoq.

AAMMA ATUARUK Avannaani qaleralinniarneq ajalusooratarsinnaasoq

Sanaartupiloornermi akunnattoortoqarsinnaasoq

Naalagaaffiup aningaaseriviutaata mittarfittaassanik Nuummilu sanaartupiloornerit tunngaviatigut ajunngitsumik isigai.

Suliniutilli ataatsikkut allartinneqarpata naammattumillu imminut  akilersinnaanngippata, tamanna nunatta aningaasaqarnerata sinneranut akunnattoorfiusinnaasoq, aningaasaqarnermik suliallit naliliipput.

AAMMA ATUARUK Alle er enige om hovedstadsstrategi

AAMMA ATUARUK Lufthavns-planlæggere opruster

- Mittarfiit Nuummilu illoqarfiup ilassaanik ineriartortitsinissaq ataatsikkut piviusunngortinniarneqassappata, qularnanngilaq suliaqarfinni allani akunnattoortitsissasoq, aningaasartuutit qaffannissaannik kinguneqartumik, tassami Danmarkimi Islandimilu sanaartortoqaqaaq, nalunaarusiami allassimavoq.

Taama pisoqareernikuusoq, aammattaaq Inatsisartut ullumikkutut aningaasaqarnermut inatsimmik aqutsippata namminiilivinnissamik kissaateqarneq piviusunngorsinnaanngitsoq uparuarneqaarpoq. Tassanilu peqqinnissaqamut utoqqanullu paaqqinninnermi aningaasartuuteqaleriartuinnarneq minnerunngitsumik tunngaviupput.

-  Kalaallit Nunaanni aningaasaqarnikkut politikki tunngaviusumik qajannaatsuunngilaq, inerniliinermi allassimavoq.

AAMMA ATUARUK Aalisarneq kisimi isumalluutaassanngilaq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat