Danskit aningaasarliulernissaannik siulittuuteqarneq danskit aningaasaataasa aatsaat taama naleerukkiartortiginerannik tunngaveqarpoq. Naalagaaffiup aningaaserivissuata pisortaa Lars Rohde assimi takuneqarsinnaavoq.Assi: Ida Marie Odgaard/Ritzau Scanpix

Naalagaaffiup aningaaserivissua: danskit aningaasarliulersinnaapput

Naalagaaffimmi tunisat ataatsimut nalingat aappaagu 0,1 procentimik appariarumaartoq, aningaaserivissuup naatsorsuutigaa.

Nunatta aningaasaqarnera pillugu ukiumoortumik nalunaarusiaq, nunatta aningaasaqarnera pillugu siunnersuisoqatigiinnit ullumi sisamanngornermi nalunaaqutaq marlunut saqqumminneqassaaq.

Danmarkimi taamatungajak ittumik aamma saqqummiussisoqarpoq.

Danskit aningaasaqarnerat nunarsuatsinni toqqissiviilliornernit Ukrainemullu sorsunnermit sunnigaavoq.

Taamammat danskit aningaasaqarnerat aappaagu pitsaannginnerulissasoq, naalagaaffiup aningaaserivissua Nationalbanki siulittuivoq.

Naalagaaffimmi tunisat ataatsimut nalingat 2,0 procentimik qaffariariarluni aappaagu 0,1 procentimik appariarumaartoq, aningaaserivissuup naatsorsuutigaa.

AAMMA ATUARUK Larsine Frederiksen efter prisstigninger: Det er blevet for dyrt

Danskit aningaasarliulernissaannik siulittuuteqarneq danskit aningaasaataasa aatsaat taama naleerukkiartortiginerannik tunngaveqarpoq.

Danmarkimi aningaasat ukioq manna 8,6 procentit angullugit nalikillissangatinneqarpoq, tamatumali kingorna aningaasat naleerukkiartupiloorunnaassangatinneqarput.

Aningaasaqarneq ajorseriarujussuassanngippat sukaterisoqartariaqarnissaanik naalagaaffiup aningaaserivissuani pisortap Lars Rohdep politikerinut kaammattuuteqarnerigalua Danmarkimi naalakkersuisunit taamaattoq malinneqassanngitsoq, aningaasaqarnermut ministeri Nikolaj Wammen oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl