Somaliami innuttaasut 7,1 miliuunit tassa somaliamiut affaat panernersuup kingunerisaanik kaannersuarmik eqqugaaqqapput.Assi: Ed Ram/AFP/Ritzau Scanpix

Naalagaaffiit Peqatigiit Somaliami kaannersuaqarnera aarlerisaarutigigaat

Somaliami sivisuumik siallinngitsoornera peqqutaalluni nunami tassani ukiuni 40-ni kingullerni aatsaat taama panernersuaqartiginerani kaannersuaqarpoq.

Afrikami nalagaaffiit ilaanni Somaliami ukioq ilivitsoq sinnerlugu siallinngitsoormat panernersuaqarpoq. Sulilu sialoqanngitsuarsinnarmat ukiuni 40-ni kingullerni, aatsaat taama panernersuaqartigaaq.

Somaliami innuttaasut 7,1 miliuunit tassa somaliamiut affaat panernersuup kingunerisaanik kaannersuarmik eqqugaaqqapput.

AAMMA ATUARUK Naalagaaffiit Peqatigiit: Nunat arlaannaalluunniit meeqqanut naammattumik illersuinianngilaq

Innuttaasut 213.00-it kaannersuarmik eqqugaasut piaartumik ikiorserneqartariaqartut, Naalagaaffiit Peqatigiit suliniaqatigiiffii naliliipput.

Afrikami naalagaaffiup Somaliap saniatigut, Etiopiap Kenyallu kaannersuarmik aamma eqqugaanissaat ilimasaarutigineqarpoq.

Somaliami kingullermik 2011-mi kaannersuaq inuit 260.000-it inuunerannik naleqarsimavoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl