Naalagaaffiit Peqatigiit qalluinissamut akerliliipput

Uulia nappartanik 850 millioninik annertussusilik, nunap allanngutsaaliukkap asseqanngitsup, Yasuni-p, ataaniittoq, atorluarniaqqunagu, Naalagaaffit Peqatigiinni ineriartortitsinermut immikkoortortaq, UNDP, Ecuadorimi naalakkersuisut aqqutissiuisumik isumaqatigiissuteqarfiginerannut tamanna tunuliaqutaavoq.

Aviisimi Politikenimi ullumi saqqummersumi tamanna allaaserineqarpoq.

Uuliap nassaarineqartup nalingata - 19 milliardit koruunit missaaniittup - affaa, Ecuadorip taarsiullugu pissavaa.

Isumaqatigiissut taanna Kalaallit Nunaannit soqutigineqaqaaq. Tamanna Naalakkersuisut siulittaasuata, Kuupik Kleistip, "pilerinartutut" taavaa.

Ecuadorimi pisumut assingusumik Kalaallit Nunaannut neqerooruteqartoqarsimanngitsoq Kuupik Kleistip erseqqissaatigaa, siunissami qanittumi eqqunneqarnissaa aamma ilimaginagu, aamma "ilatsiinnartumik pilersuinissaq eqqarsarnarmat". Isumaqarporli eqqarsaat piviusunngorsinnaasoq.

- Issittumi avatangiisit innarlernissaat taamaalilluni annikinnerulissagaluarpoq. Uuliasiornermi isertitat silatusaarnerulluni atorneqarsinnaanerat aamma takorloorneqarsinnaavoq, Kuupik Kleist aviisimut Politikenimut oqarpoq.

Demokraatit aamma pilerisupput, aningaasammi ulloq siullermiilli takkutissapput, siunissami ungasinnerusuiunngitsoq.