Naalagaaffiit Peqatigiit: Inuit milliuunit affaat sinnerlugit Ukrainemit qimaapput

Sisamanngornermi sapaatip akunnerani kingullermi Rusland saassussimmalli inuit milliuunit affaat sinnerlugit Ukrainemit qimaapput.

Naalagaaffiit Peqatigiit qimaasunut pisortaat Filippo Grandi Twitter-imi taama allappoq.

Nunanut sanilerisanut qimaapput soorlu Polenimut aamma Moldovamut.

Sisamanngorninngulernerani unnuakkut Rusland saassussimmalli Ukrainemi sakkortuumik akiuuttoqarpoq. Russit saassussinerat aallartippoq qaammaterpasssuarni Ukrainemut killeqarfiup eqqaani sakkutuunik  100.000-init amerlanerusunik inissiiortoreersorlu.

Europami nunarpassuit Ukrainemi sakkortuumik eqqissiviilliortoqarneranit inuit qimaasut isertissallugit piareersimapput.

Sapaatiummat danskit naalakkersuisui nalunaarput pilersaarusiorlutik Danmarkimut 20.000 missaat tikinnissaat aallaavigalugu. Kisianni nunanut allamiunut ilanngutititsinermullu ministeri Mattias Tesfaye (S) ilutigalugu oqarpoq kisitsisit eqqoriaruminaatsut.

Aamma danskit kommuunii arlallit misissorpaat pisariartitsisoqalerpat Ukrainemit qimaasut qassit tigusinnaassanerlugit.

Ataasinngormat Aabenraap Kommuniata  Udlændingestyrelsen (Nunanut Allamiunut Aqutsisoqarfik) nalunaarfigaa siornatigut paaqqutarinniffiusimasoq qimaasunut inissatut piareersarlugu.

Ataasinngornermi Ukrainimit Ruslandimillu sinniisut pisoq pillugu naapissapput. Sisamanngormamut unnuaani Ruusland Ukrainemut isermalli aatsaat illuatungeriit oqaloqatigiinniarlutik  naapissapput.