Naalagaaffiit aallartitaat ataatsimiitut

Allattoq Jaaku Lyberth
oktobarip 09-at 2006 17:28

Danmarkip maannakkut nunanut muslimeqarfiusunut tunngatillugu nutaamik ajornartorsiulernissaq pinngitsoortinniarsaraa.

Taamaattumik naalagaaffiit muslimeqarfiusut Danmarkimi aallartitaat tamarmik ullumikkut Nunanut allanut Ministereqarfiup pisortaanut Ulrik Federspiel-imut ataatsimiigiaqquneqarsimapput, TV 2-p nutaarsiassaqartitsivia taama nalunaarpoq.

Ataatsimiinnermi naalagaaffiit aallartitaat Dansk Folkepartip Inuusuttaasa aasarsiorneranni videuliat,

Muuamaamik ajortitsiniutaasut pillugit ilisimatinneqarput.

Ataatsimiinnermi naalagaaffiit aallartitaat paasitinneqarput videuliat tassaasut, Danmarkimi talerperliuniarnerpaat inuusuttaasa matoqqasumik festernerannit immiussaasut.

Aammattaaq naalagaaffiit aallartitaat ilisimatinneqarput ministeriunerup Anders Fogh Rasmussenip videuliat nuannarinngilluinnarai.

TV 2-p Nutaarsiassaqartitsivianit oqaatigineqarpoq naalagaaffiit muslimiusut aallartitaat piumaffigineqarsimasut naalagaaffiit, atorfillit, nutaarsiassaqartitsiviit, upperisarsiortullu siuttui paasisaminnik oqaluttuuteqqullugit.