Naalagaaffeqatigiit siuttui ataatsimeersuarput

Kalaallit Nunaata, Savalimmiut Danmarkillu naalagaaffeqatigiinnermi ataatsimiinnerat ullumi aallartippoq. Danmarkimi Sønderjyllandimi illoqarfimmi Kollundimi tamanna pivoq, ataatsimiisitsisuulluni Danmarkip ministeriunera, Anders Fogh Rasmussen.

Hans Enoksenip, Joannes Eidesgaardip aamma Anders Fogh Rasmussenip politikkimut tunngassutillit pingaarutillit arlalissuit maanna oqallisigaat.

Kalaallit Nunaanniit oqallisigisassanut ilaavoq Thulemi navianartunik qinngorneqarnasoralugu RISØ-p misissuisitsineranut tunngassutillit. Namminersornerunissamut killiffik aamma oqallisigineqartussaavoq.

Savalimmiunut tunngatillugu ilimagineqarpoq savalimmiormiut mittarfitsik Vágar namminneq oqartussaaffigilissagaat, tamatumalu atsioqatigiissutiginissaa ullumikkut pissangatinneqarpoq.

Nunat naalagaat taakku pingasut, Hans Enoksen, Joannes Eidesgaard aamma Anders Fogh Rasmussen tusagassiortunik massakkorpiaq katersortitsipput.