Naalagaaffeqatigiinnerup nutarternissaa pingaaruteqaqaaq
Christiansborgimi ministerit ullumikkut ataatsimiinneranni, ministeriuneq Anders Fogh Rasmussen Kalaallit Nunaata namminersulernissaa pillugu inatsisissatut siunnersuuteqarnissamini taperserneqarpoq.
Allattoq Elisa Isaksen
februaarip 03-at 2009 16:55
- Inatsisissatut siunnersuut kalaallit qallunaallu namminersorneq pillugu isumalioqatigiissitaata sulinerata inerneraa, kalaallit oqartussaasuinit akuerineqareersoq aamma innuttaasunik taasisitsinermi amerlanerussuteqarluartunit akuersaarneqareersoq, tusagassiuutinik katersortitsinermi Anders Fogh Rasmussen oqarpoq.
Inatsisissatut siunnersuut najoqqutaralugu naalagaaffeqatigiinnerup iluani inatsisillu tunngaviusut iluanni Kalaallit Nunaat akisussaaffinnik arlalinnik tigusisinnaalissaaq.
- Naalagaaffeqatigiinnerup nutarterneqarnissaa, pingaarluinnartutut isigisara pineqarpoq. Siunnersuullu Folketingimi amerlanerussuteqarluartunit tapersersorneqarnera nuannaarutigeqaara, Anders Fogh Rasmussen tusagassiortunik katersortitsinermi oqarpoq.
