Naalagaaffeqatigiinnermut nalunaarusiaq saqqummiunneqalerpoq

novembarip 30-at 2004 17:18

Nunatta Savalimmiullu naalagaaffeqatigiinnermi ukiut 50-it matuma siornagut ilanngutsinneqarnerannut paasissutissat tupaallannartut nalunaarusiarineqarneri Ilisimatusarfimmi unnugu saqqummiunneqassapput.

Ilisimatuut ilisimasallillu allat naalagaaffiup FN-illu toqqorsiviini allagaatinit nassaarisatik najoqqutaralugit marlunnik nalunaarusiorsimapput. Nalunaarusiortitsisuupput Folketingimi Atlantikup Avannaani Suleqatigiit. Nalunarusioqataasoq, filosofimik ilisimatusarsimasoq Mininnguaq Kleist, oqarpoq, nalunaarusiassaq ataasiinnaasimagaluartoq, naalagaaffiulli toqqorsiviani misissuinermi paasisat imaannaanngimmata oqaluttuarisaaneq ilanngullugu nalunaarusiarineqarsimasoq.

Ilisimatuut paasiniaanerminni paasisimavaat danskit ukiut sisamat matuma siorna nunarput Savalimmiullu pillugit allaat salluliorsimasut. Danskit ministereqarfiannit naalagaaffiit peqatigiinnut aamma nassuaiaajartortoqarmat, nunarput savalimmiullu namminersulerusunnerannik eqqarsaateqanngitsutut aamma saqqummiunneqarsimapput, tamannalu toqqorsivinni allagaatini atuarneqarsimavoq.

Atlantikup Avannaani Suleqatigiit suli aalajanginngillat nalunaarusiat sumut qaqugulu atussanersut.