Naalagaaffeqatigiilerneq qulaajaaffigineqassaaq

apriilip 12-at 2005 11:17

Naalakkersuisut siulittaasuat Hans Enoksen Danmarkimilu ministeriuneq Anders Fogh Rasmussen ullumi ataatsimeeqatigiipput, ataatsimeeqqatigiinnermilu isumaqatigiissutigineqarpoq, nunatta Dansket naalagaaffianut 1953-imi ilanngutsinneqarneranut atatillugu pisut qulajaaffigineqassasut.

Dansk Institut for Internationale Studier, tassa dansket nunanut tamalaanut tunngasunik ilisimatusarnermi instituttia qulaajaanissamik suliaqarnissamut qinnuigineqassaaq, qulaajaanissamilu ukiut 1945-imiit 1954-ip tungaanut pisimasut aallaavigineqassapput. Piffissami pineqartumi Danmarkip Naalagaaffit Peqatigiit nunattalu akornanni pisimasut aamma sammineqassapput.

Qulaajaanissap aappagu 2006-imi ukiakkut naammassisimanissaa naatsorsuutigineqartoq, Statsministeriaqarfik nalunaarpoq.