Naalaffissuaq qaartippaat
Sunnimuslimit Naalaffissuat Irakimi illoqarfiit ilaanni Iskandariyami pinerliinianit kinaassusersineqanngitsunit qaartinneqarsimavoq, Irakimi politiit taama paasissutissiipput.
Qaartitsineq pivoq, shiamuslimit naalaffissuat qillalaar-tuinnaq Samarramiittoq qaatinneqarluni aserorneqareersorlu.
Sunnimuslimit Irakip ilaaniittut pasineqarput Al-Qaedakkunnut ilaasortaasut Naalaffissuarmik qilla-laartuinnarmik Samarrami qaartitsillutik aseruisimasutut. Taama oqarpoq irakimi ministeriu-neq, Nuri al-Maliki, ullumi ullup´qeqqata siuninnguatigut naalaffiup aserfallatsaaliorniarlugu nutarteqqammisup napasuliartai marluk qaartinneqarlutik aserorneqarnerata kingunitsiannguagut.
Aattalimmik akersuuteqqittoqannginnissaa pinaveer-saarniarlugu irakimi naalakkersuisut killiligaanngitsumik nalinginnaq silamut aniaqqusiunnaarput, illoqarfiit pingaarnersaanni Bagdadimi. Taamaattumik Bagdadimi aqqusernit inoqanngeqaat, taamaallaat inussiassatuaasimapput sakkutuut alapernaarsuisut Irakimilu politiit.
Bagdadimi naalaffissuit pingajuat ikuallatsinneqarpoq, oqaatigineqanngilarli inunnik ikiligaasoqarsimanersoq. Irakimi naalakkersuisut shia- amma sunnimusliimit politikeriinut siuttuinullu peqqusisimapput innuttaasut sapinngisartik tamaat eqqissisimatinniassagaat.
