Nuummi politiit poorskikkunni angerlarsimaffinni eqqissiviilliortunut arfineq pingasunut ornigussimapput. Arkivfoto.Assi: Pressefoto/Rigspolitiet

Naak inerteqquteqartoqaraluartoq politiit poorskikkunni ulapinnerusimanngillat

Nuummi politiit poorskikkunni katillugit 101-init saaffiginnissutinut ornigussimapput, saaffiginnissutit ilaatigut tassaapput, aserorterinerit eqqissiviilliornerillu.

Naak imigassat matoqqagaluartut katerinnerillu annerusut inerteqqutaagaluartut, politiit poorskikkunni ulapinnerusimanngillat.

- Ullormut nalunaarusiavut naapertorlugit eqqissisimasumik poorskisiortoqarsimasoq takusinnaavarput, Kalaallit Nunaanni politiit pigaartuisa pisortaat, Kunuk Frederiksen oqarpoq.

Nuummi Qeqertarsuatsiaani Kapisilinnilu imigassat arfininngornermi marsip ulluisa 28-annit apriilip ulluisa 15-iata tungaanut matuneqarallarput.

Politiini pigaartut pisortaat naapertorlugu nalliuttuni sulianik annertuunik ulapputeqannginnerarput.

- Facebookikkut imigassanik tuniniaaneq pillugu innuttaasoq ataaseq politiinut saaffiginnissimavoq, imigassaarniartorlu politiinit saaffigineqarpoq - kingornalu Facebookimit tuniniaaneq peerneqarluni, Kunuk Frederiksen oqarpoq.

AAMMA ATUARUK Angut Nuummi unioqqutitsilluni baajarniarsimasutut 15.000 koruuninik akiligassinneqartoq

-Poorskikkunni ulaperujussuarsimanngilavut, ullormut nalunaarsukkani takusinnaavara, inunnit saaffiginnissutit 101-iusimasut, taakkunani 40-ni Nuummi politiit saaffiginninnerit malillugit ornigussimapput, pinerlunnermullu atatillugu sulianik aqqanilinnik aallartitsivugut, soorlu aserorterinerit, persuttaanerit suliarlu ataaseq pinngitsaaliisimasutut misissorneqarluni, Kunuk Frederiksen taama oqarpoq.

Angerlarsimaffinni eqqissiviilliornerit sinerissami amerlanerulaarsimasut, politiit ilisimatitsissutigaat.
- Nuummi perulluliornerit amerlasimanngillat, sapaatip akunnerata siuliani sisamanngornermit poorskip aappaata tungaanut eqqissiviilliornerit arfineq pingasut politiinit orninneqarsimapput, kisianni sinerissami eqqissiviilliornerit amerlanerulaarput,

Imigassat matoqqanerisa nalaanni imigassat matoqqaneranut tamanna pissutaanersoq maannamut oqaatigisinnaanngilarput, Kunuk Frederiksen oqarpoq.

Sinerissami paasissutissat tamakkiisut ataasinngornermi ualikkut politiit pingaartuisa pisortaata annerusumik oqaaseqarfigisinnaannginnerarpai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat