Naajaat Nutaarmiullu pisiniarfittaassanngillat

Upernaviup pigisaani Naajaani Nutaarmiunilu najugallit qanittukkut pisiniarfittaarnissartik ilimagissanngilaat, taama oqarpoq naalakkersuisoq Jens B. Frederiksen.
februaarip 18-at 2010 04:04

Atassut sinnerlugu Inatsisartunut ilaasortat pingasut paragraf 36 naapertorlugu apeqqutaannut Ineqarnermut Naalakkersuisumut, Jens B. Frederiksenip akissutaani tamanna erserpoq.

- Naajaani Nutaarmiunilu pisiniarfittaarnissaq sulissutigissallugu Naalakkersuisut pilersaaruteqanngillat, aamma ilisimatitsissutigissavara nunaqarfinni taakkunani pisiniarfiliornissaq aningaasanut inatsisissami ilanngunneqarnikuunngimmat, Jens B. Frederiksen ilisimatitsivoq.

Naajaani pisiniarfeqalernissaq, toqqorsivittulluunniit atorneqarsinnaasumik pilersitsinissaq, arlaleriarlugu siusinnerusukkut oqallisigineqartareeraluarpoq. Naalakkersuisunut siulittaasuusimasoq, Hans Enoksen, KNI-milu siulersuisunut siulittaasuusimasoq, Simon Olsen, 2008-mi tamanna pillugu attaveqaqatigiittarsimagaluarput.

- Naajaani Nutaarmiuniluunniit pisiniarfiliortoqassanersoq pillugu taamanikkut aalajangiisoqanngilaq, Jens B. Frederiksen akivoq.

Paragraf 36 naapertorlugu apeqquteqartut tassaapput Finn Karlsen, Siverth K. Heilmann aamma Knud Kristiansen.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq