Naajaarmiut naammagittarumajunnaarput

Nunaqarfik Naajaat pisiniarfeqanngisaannarsimavoq, taamaattumik innuttaasut pisiniassagaangamik Innaarsunnut 12 kilometerimik ungasitsigisumiittumut pisiniartarput. Silallu allanngorartornerata kingunerisaanik aqqut atortagaat aqqullussiartormat, innuttaasut naammagittaannarumajunnaarput.
januaarip 13-at 2010 12:59

Naajaani inuuniarnikkut atukkat ilungersunaraluartut innuttaasut nunaqarfitsik najorusuppaat.

- Upernavik kommunalbestyrelseqarallarmat nunaqarfimmiut neriorsorneqarsimapput Naajaat ineriartortinneqassasoq, kisianni ulloq manna tikillugu sunnguamilluunniit susoqarsimanngilaq, sanaartukkanilluunnit soqarnani, nunaqarfimmi aqutsisunut siulittaasup tullia Adam Aronsen oqaluttuarpoq.

Siumukkormiut naalakkersuisuutitaqarallarmata pilersaarutaasimasoq Naajaat 2008-mi pisiniarfeqalissasoq. Pisiniarfiup illutassaa pilersaarusiorlugu aallartinneqarsimagaluarpoq, kisinnili Siumut naalakkersuisuujunnaarmat suliaq uniinnarsimasoq, Nunami namminermi naalakkersuisoq Anthon Frederiksen Naajaat pillugu apersorneqartoq unnugu Qanoruumi isiginnaarneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq