Naaja: Vittup neriorsuutigisani ajoraluartumik eqquutsippaa

Siumup siulittaasuata Aleqa Hammondip qineqqusaarnermi qasseerarluni oqatigaa, Siumut naalakkersuisuutitaqalissappat politikkimik akisussaassuseqarnerusumik ingerlatsisoqalissasoq. Siumulli nunamut akisussaaffik tigusimammat, Vittus Qujaukitsoq killormorluinnaq iliuuseqapallappoq.

Aningaasanut inatsisissatut siunnersuut ullumi saqqummiunneqarmat aningaasaqarnermut naalakkersuisoq neriorsuutigisaminik eqquutsisarnera erserpoq, tamannalu Naaja Nathanielsenip IA-meersup ernumanartoqartippaa. Aningaasanut inatsisissaq amigartooruteqarfiusussaq siunissami isertitassatut neriuutaannarnik tunngaveqartoq pissusiviusunillu tunngaveqanngitsoq.

-Tupaallaatigalugu oqarsinnaanngilanga, maannali naqitanngorlugu takoriarakku ernumaamminngitsuunngilanga. Assersuutigalumi London Mininginip piffissami ungasinngitsumi aallartittariaqarnissaa pisariaqartilerparput. Taamaattoqanngippallu ajornartorsiulissaagut, Naaja Nathanielsen knr.gl-imut oqarpoq.

Suliniutinut angisuunut inatsit allanngortiternaguluunniit suliffeqarfinnik suliniutinik angisuunik ingerlatsisussanik Naalakkersuisut toqqammaveqarniarnerat Naaja Nathanielsenip paasiuminaatsippaa. Naalakkersuisut imminnut taamatut inissinnermikkut ingerlatsiviit akileraarusersorneqarnissaannut royaltiesinillu piumasaqarfiginissaannut ajornakusoortorujussuanngorsinnaavoq.

-Aningaasanut inatsisissaq Vittus Qujaukitsup ullumi saqqummiussaa tunngavigalugu qanoq ilioriarsinnaaneq killeqartupilussuanngorpoq. Ukiuni arlalinni amigartooruteqarluni ingerlasussanngorneq isumaqatiginninniarnissamullu ajornerungaatsiartumik inissisimalerneq Nunatta pisariaqartinngilaa. Inuiaqatigiinnut kalaallinut ajorluinnartumik kinguneqarsinnaavoq, Naaja Nathanielsen mianersoqqussuteqarluni oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat