Naaja N: Naligiissitaanissamut inatsit sukaterneqartariaqarpoq
Arnat angutillu akornanni naligiisitaanerunissaq anguniarlugu Naaja Nathanielsen inatsisartut ukiamut ataatsimiinnissaanni siunnersuuteqassamaarpoq.
Naligiissitaanissamut inatsisip sukaterneqarnissaa Naaja Nathanielsenip anguniarpaa. Piginneqatigiiffinni, atatsimiititaliani aamma ataatsimiititaliarsuarni, Naalakkersuisut pilersitaanni, arnat angutillu "sapinngisamik" amerlaqatigiittarnissaat inatsimmi allaqqavoq.
Oqaaserli "sapinngisamik" naammanngitsoq, Naaja Nathanielsen isumaqarpoq.
Inatsisartut ukiakkut ataatsimiilerpata siunnersuut nutaaq Naaja Nathanilesenip saqqummiutissavaa ima oqaasertaqartoq:
- "Naalakkersuisut toqqagaanni ilaasortassat, soorlu siulersuisuunerni, aallartitaqarfinni ataatsimiititaliarsuarnilu arnat angutillu amerlaqatigiisinneqartassasut".
- Arnat akornanni piukkunnartorpassuaqartoq upperaara, ullumikkut eqqarsartaasitoqaq matoqqasumillu attaveqatigiittarneq peqqutigigalugu atorneqarneq ajortunik, Naaja Nathanielsen Atuagagdlitinut oqarpoq.
