Naaja: aalajangigassatut siunnersuut upernaamut kinguartilli
- Siunnersuut taanna inatsisartut ukiaanerani ataatsimiinneranni peerneqartariaqartoq isumaqarpunga upernaakkullu ataatsimiinnermi nutaamik saqqummiussisoqarnissaa eqqarsaatigineqartariaqartoq, Naaja Nathanielsen oqarpoq. Tassami maannakkut paasinarsivoq inatsisartut ilaasortat ikittuinnaavoq ilisimavaat suna taasissutigissanerlugu aamma suut imaluunniit suna kinguneriumaarneraa, Naaja Nathanielsen oqarpoq.
Siumut sinnerlugu oqaaseqartartup Per Berhelsen-ip saqqummiussaa Naaja Nathanielsen-ip tupigisuutigaa, taannami oqarmat, uran-ip akuata qummut killingata aalajangiiffigineqarnissaa nunatsinni piffissanngortoq.
Finn Karlsenip oqarpoq uranisiornissaq aatsaat pisinnaasoq aatsitassap uranitaqarnera 0,01 procentimik ataanneqarpat killigippaguluunniit.
Taamaalilluni Siumup akuersaarsinnaassanngilaa Naalakkersuisut uran-siorneq pillugu aalajangiiffissatut siunnersuutaat
Tassalu Kuannersuarni uran-ip akuanit appasinnerujussuusoq pineqarluni.
Paatsiveerusimaarneq Atassummi aamma erserpoq . Atassut sinnerlugu oqaaseqartartup saqummiussani atuarneqarsinnaavoq aatsitassat piiarneqarnerini uran saniatigooralugu piiarneqarnissaa naatsorsuutigineqartoq.
Tunngaviusumik aalajangiisoqartussaavoq aalajangernermini pineqanngillat uran saniatigooralugu imaluunnit pingaarnertut piaarneqassanersoq imaluunniit akuata qummut killinga aalajangiiffgineqartussaanani kisiannili tassa uran-imut naaggaarluinnarnerup atorunnaarsinneqarnissaa aalajangiiffigineqassalluni, uanilu paatsiveerusimanermut pissutaavoq pingaarnertut saniatigooralugulu piianissaq eqqartorneqartillugu, taakkua pillugit naalakkersuisut aalajangiinissatsinnut peqqunngilaatigut Naaja Nathanielsen oqarpoq
- Aalajangigassatut tunngaviusup peqqissaarunneqarnissaa pisariaqarpoq minnerunngitsumillu naalakkersuisoqatigiinni ilaasortat paasitinneqartariaqarput suna pineqarnersoq paasitillugit.
Ilumoorsinnaanngilaq siunnersuut inatsisartuni aalajangiiffigisassaq piffissami qanittumi taasissutigisassarput amerlasuut nalummassuk, inatsisartuni aatsitassat pillugit ataatsimiititaliami IA sinnerlugu ilaasortaq oqarpoq.
