Múte B. Egede Folketingimut qinigassanngortittoq

Múte Bourup Egede, Inuusuttut atqatigiinni siulittaasoq, qinigassanngortippoq.

ukiut sisamat matuma siorna Sara Olsvig, IA, Folketingimut iserpoq. Sara Olsvigilu Inuit Ataqatigiinni ukioq kingulleq siulittaasunngormat Nuummullu uterluni Johan Lund Olsenip sinniisutut siulittaasunngortut atorfigisimasaa tiguaa.

Aamma atuaruk Folketingimut juunip 18-iani qinersissaagut

Olsvigip Olsenillu christiansborgimi ukiuni sisamani angusatik pitsaanerpaasorisatik ima tulleriiaarnilerpaat:

• Inatsisitigut ataataqanngitsunut inatsit naammassineqarpoq.
• Inatsisinut eqqartuussisoqarnermullu sinaakkutinik pitsanngorsaaneq. Ilaatigut 2014-imi kredsretsit 20 mio. kr.-inik immikkut aningaasaliiviginerat anguneqarpoq, taamaalilluni eqqartuussivinni suliassat uneraannarsimasut ikilisarneqarsinnaanngorlutik.
• Kalaallit Danmarkimiittut atugaannik pitsanngorsaaneq suleqateqarluarnikkut anguneqarsimavoq.

Maanna Inuusuttut Ataqatigiit nalunaaruteqarput IAp suliai, Nunatsinnut innuttaasunullu iluaqutaasussat, naginnissaannut piareersimallutik.

- Inuusuttut Ataqatigiinniillu nukissaqarluarluta nuannaarutigalugu nalunaarutigissavarput siulittaasorput Múte Bourup Egede Folketingimut qinigassanngortikkatsigu.
Qularinnginnatsigu Mútep suleqateqarluarnermigut nipi ersarissoq pituttorsimanngitsorlu atorlugit nunarput inuilu sullilluarumaarai, Inuusuttut Ataqatigiit tusagassiutinut nalunaarummi allapput.

Aamma atuaruk LIVE Attaveqaqatigiittarfinni qinersinissap sammineqarnera