Mærsk uuliakoortarsimasutut politiinut tunniunneqarpoq
Tamanna pivoq aviisip Politikenip Nordsømi toqunartortalimmik annertuumik uuliakoortoqartarnera pillugu allaaserinnittarnerata kingorna.
- Siullermik Mærsk avatangiisinut inatsisit unioqqutillugit uuliakoorpallaartarsimavoq. Aappassaanik Mærskip illersornissaqarfiup timmisartui uuliasiorfinnut misissuiartorlutik ingerlanerinik paasissutissanik ingerlatitseqqittarsimavoq. Taama Per Clausen politiinut tunniussinermini allappoq.
- Pingajussaanik Mærskimi sulinermi pisortaasut sulisutik peqqusarsimavaat uuliasiorfinni imermik misiligutinik pipallattaqqullugit, folketingimi ilaasortaq allappoq.
Naammanngilluinnarpoq Mærskip nammineq suliaq misissuiffigissappagu. Maannalu politiit qinnuigisimavai akuleruteqqullugit.
Mærskip timmisartunut avatangiisinik misissuutit pillugit uparuarneqarnini iliuuseqarfigereerpaa.
Akerlianilli Mærskip toqunartortalimmik uuliakoortarnini nassuerutigiumanngilaa, taamaalilluni annertuallaamik uuliakoortarluni.
