Mælkebøttenili atorfissaqartinneqarluarmat ukioq qaangiutiinnartoq aningaasartuutissat matussuserneqartalerput illulu ullut tamaasa ulloq unnuarlu ammasalerluni, ullumikkullu aqqaneq marlunnik sulisoqarluni.
Mælkebøtten meeqqanut sukisaarsartarfiutigaluni ajornartorsiuteqartunut ornittagaavoq.
- Meeqqat angajoqqaaminnit kingornuttagaat pitsaanngitsut Mælkebøttenimi unitsinniarneqartarput. Meeqqat misigisaqapilussimasut ilinniagaqarnissaat, namminneq ilaqutaqalernissaat pitsaasumillu inuuneqalernissaat anguniartarparput, pisortaq Kirsten Ørgaard oqarpoq nangillunilu isumaqarnerarluni ullutsinni meeqqat sunngiffimminni aqqusiniinnarmiittussanngorlutik sumiginnagaasartut amerlavallaartut.
- Aqqusiniinnarmi ineriartornermiit pitsaanerusunik inooriaaseqarsinnaalersinniartarpavut, Mælkebøttenip pisortaa, ullorsiornermi nalunaaqutaq ullumi marluniit kaffillertoq taama oqarpoq.