Målmandit sungiusartarnerat immikkut sammineqartoq
Nunatsinni angutit isikkamik arsaallutik pissartanngorniunnerisa nalaanni aamma målmandinik immikkut sungiusaasoqarpoq. B-67-imi målmandinik sungiusaasoq Kenneth Fiil pikkorissaasuuvoq.
Allattoq Peter Troelsen, Simon Uldum
Målmandit ulluni marlussunni malinnaaffigisinnarlugit, Fiilip målmandit pissartanngorniunnermut peqataasut sungiusaasuilu målmandinut tulluartumik qanoq sungiusaasoqartarneranik ilitsersuivoq.
Kenneth Fiil, Dansk Boldspil Unionimi målmandinik sungiusaasutut ilinniagaqarpoq, klubbimilu Superligamiissimasumi Silkeborgimi målmandit inuusuttaannik sungiusaasuusimalluni. Ilisimasai GBU-p iluani målmandinut tunngatillugu ineriartoritsinissamut atorluarneqarput, tamannalumi GBU-p qujamasuutigeqaa.