Myanmarmi qulingiluat toqutaapput
Burma-simasumi Myanmarimi sakkutuut akerliussutsimik takutitsisut minutsinik qulinik qimagunnissaanut piffissalerpaat, taamaattoqanngippat saassutissagamikkit. Qimagutinngiinnarmatalu unnuaq qinusarfissuit marluk sakkortuumik saassunneqarput, mattuttullu 200-t takkunani sakkutuunit tigusarineqarlutik.
Ullaarlu inuit qulingiluat toqutaasut nutaarsiassaqartitsiviit nalunaarutigaat.
Sakkutuut ippassaq ulluunerani saassussimmata ikinnerpaamik inuit sisamat toqutaapput, taakkunannga mattuttut pingasut.
Akerliussutsimik takutitsisut Rangonimi amerliarluinnarput, maannalu 70.000-inngorsimallutk.
Kina Myanmarimi pisunut maanna akuliupput, eqqissisimasumik peqqusillutik. Aatsaavissuaq Kina Burma-simasumi sakkutuut kisermaassillutik ingerlatsisuusunut uparuaapput.