Myanmarimi naalakkersuisut ikiorfissaqannginnerarneqarput
Danmarkip Thailandimi aallartitaa, Michael Sternberg maanna Myanmarimi illoqarfiit pingaarnersaanni, Rangoonimiittoq taama oqaluttuarpoq.
Michael Sternberg oqaluttuarpoq pissutsit ilimagisaminiit ajornerusut. Inuit kiinnamikkut eqqumiitsumik isikkoqarlutik angalapput. Siullermimmi sakkutuut kisermaassillutik naalakkersuisut akerliussutsimik takutitsisunut ukiaq peqqarniitsulioreersullu nerisassat akitsoriartornerat ajornartorsiutigereerlugit maanna aamma ajunaarnersuaqarpoq. Sternberg oqaluttuarpoq ippassaq nunanut allanut naalakkersuisoqarfimmut ataatsimiigiarsimagaluarluni, paasisimalluguli naalakkersuisut amerlanerit mittarfiliaasimasut ikiuiniartut tikerartut tikilluaqqujartorlugit. Ikiuiniarnerup qanoq ingerlanneqarnissaa pilersaarusiorneqarsimanngimmat naalakkersuisut ikiorfissaqanngitsutut isiginnaaginnalersut, Sternbergip ilimaginagu oqarpoq.
