Myanmarimi ikiuiniarneq arriitsumik ingerlavoq

Tamat inuussutissaqarnissaannik naalagaaffiit peqatigiit pileraarusiortuisa Bangkokimi pisortaat, Paul Wresley, oqarpoq sunaluunniit pisarnermisut ingerlanngitsoq, ikiuiniarnerlu arriitsuararsuarmik ingerlanneqartoq. Sakkutuut kisermaassillutik naalakersuisut ikiuiartortunut akornusersuinertik unitsinniarlugu nalunaaraluartut, kiattup anorersuata aqqusaarnerata kingorna ikiortarialinnut 2,4 milliuuninut ikiuiniartut suli apuutinngillat. Ikiuiniarnerit annikitsuaraannaat iluatsillattaapput, soorlu Danmarkimiit imermik sukuluiaatissanik nassartut arfineq pingasut isertinneqarput, taakkualu ilaat oqaluttuarpoq, namminneq akornusersorniarneqassagaluarunik atortutik atorneqarsinnaaniassammata sumiiffinni najugallit atortut passunnissaannut ilinniartillugit. Ilinniartinneqareeraangamillu ikiortariaqartut akornannukarsinnaapput atortullu atorfissaqartinneqarfiini namminneq napparlugit imermik sukuluiaasinnaallutik. Ikiortariaqarluinnartulli amerlaqaat, ikiuiartortitallu, nerisassanik, imermik nakorsaatinik, allanillu pisariaqartitanik pajuttut saneqqunnissaat aqquserngit sinaanni utaqqiinnarpaat.

Sulilu ikiuiartorniartut nunanit allaneersut Myanmarimut akornusersorneqaratik isaallutik ikiuisinnaalernissartik neriuutigiuarsinnaarpaat.