Myanmarimi ikiuiniarneq ajornakusoorpoq
Amerikamiut timmisartui marluk ikiuutinik usisut ullumi Myanmarip illoqarfiisa pingaarnissaannut nunnissapput, ullullu ingerlanerani lastbiilit arlallit ingerlaqatigiiaat Thailandimit Myanmarimut pissapput. Ikiuniartut nunanit allaneersut ajunaarfiunerpaasunut suli anngussinnaanngillat.
Myanmarimi sakkutuut kisermaassillutik aqutsisut nunamut isernissamut killersuinerat pissutaalluni ikiuniarneq arriippoq killeqarlunilu.
Nerisassat imerlu minguitsoq amigaatigineqarput. Toqqit perusuersartarfiillu amigaatigineqarput. Nappaatit tuniluuttut aamma kolera piffissami qanittumi nappaatigineqalernisaat ikiuniaqatigiinnit annilaanngatigineqarpoq.
Nerissassat pisariaqartinneqartut 20 procentii ataallugit Myanmar-imut anngunneqarsimanissaat naalagaaffiit peqatigiinnit naatsorsuutigineqarpoq, atortussallu pisariaqartinneqartut 10 procentii ajunaarfiusunut anngunneqarsimassallutik.
EU-imi ineriartortitsinermut ministerit ullumi ataatsimiissapput, Myanmar-imi kisermaassillutik sakkutuut aqutsisut qanoq ilillugit ikiuutinik nunamut eqqussuinissamut ammaassisinnaanersut eqqartussallugit.
