Myanmarimi 100.000-it ajunaarsimassangatinneqartut
Tusarfiit kingulliit oqaatigaat, Myanmarimi sakkutuut kisermaassillutik naalakkersuisut, Amerikamiut timmisartuisa ikiuutissanik usisut, Myanmarimut missinnaanissaat akuerisimagaat.
Taamatut nalunaartoq tassaavoq, Thailandimi sakkutuut naalagaat Boonsrang Niumpradit. Amerikamiut Myanmarimi naalakkersuisuinik oqaloqateqarsinnaanissaannik ikiorpavut naalakkersuisut akuerseqqammerput, sakkutuut naalagaat oqaluttuarpoq, tamannalu Amerikamiut allartitaannit uppernarsarneqarpoq.
Kinap Myanmarimik illersuisuusup, sakkutuut kisermaassillutik naalakkersuisuusut piumaffigai, nunat tamat ikiuiniarnerat akuereqqullugu.
Kinap nunanut allanut ministeria Qin Gang ullumi tusagassiortunik katersortitsinermi oqarpoq, neriulluni Myanmar nunarsuarmi tamarmi suliniuteqartunik suleqatiginnikkumaartoq.