Muuamaamik titartakkanut tunngasut oqaluttuassartaat suli ikiliartunngimmata, naggataatigut oqaluttuarissavarput muuamaamik titartakkat saqqummersinneqarmatali kingunerisa ilaat.
Muuamaamik titartakkat saqqummermatali eqqorneqartut amerlapput, eqqorneqartunullu ilaapput danskit wienerbrød-iliaat, maanna Iran-imi allatut taaguuteqartinneqalersimasut.
Nunani allani wienerbrødit taaneqartarput ”danish”, maannali Iran-imi taamatut ateqartikkusukkunnaarsimavaat.
Iranimiut oqaaseq ”danish” taama narrujuumminartigisoq atorumajunnaarsimavaat kaagillu allatut atserniarlugit, Iran-imi nutaarsiassaqartitsivik IRNA nalunaaruteqarpoq.
Profeti ataqqiniarlugu kaagit atserneqarsimapput ”muuamaap rosai”.
Danskit tunisassiaat arlallit pisiariumaneerunnikuupput, kaagillu Iranimut eqqussorneqanngikkaluarput, ullaalli tamaasa iffiorneqartarlutik.