Muuamaamik titartakkat oqaloqatigiissutigineqarnerat ajornaatsuinnaanngilaq

februaarip 27-at 2006 17:19

Nunat EU-mi ilaasortat nunanut allanut ministeriisa Muamaamik titartakkat oqaloqatigiissutigigamikkik ajornaatsuinnaasimanngilaq.

EU-mi ilaasortat ataatsimoorlutik qanoq utoqqatsertigissanerlutik nalornissutigaat.

Muamaamik titartakkat saqqummiunneqarsimaneri, Muamaamillu upperinnittunik ajuallatsitsisimanertik, EU-mi ministereqatigiit ataatsimoorlutik ajuusaarutigaat.

Titartakkat saqqummiunneqarnerisa kingunerat danskit nunanut allanut ministeriata, Per Stig Møllerip, Danmark sinnerlugu aamma ajuusaarutigaa.