Muuamaamik titartaasut ilaata pania musliminit alapernaanneqarpoq

Angutit muuamaamik upperisallit arlaqarlutik pruffiitimik Muuamaamik aviisimi Jyllandspostenimi titartaasut aqqaneq-marluk ilaata ataatsip pania atuarfiani pissarsiariniarsimagaluarpaat, allaanngitsumik tigusariniarlugu.

Venstret politikkikkut oqaaseqartartuat, Jens Rohde, DR-p TV Avisianut unnuk-manna taama oqarpoq.

Muuamaamik titartaasut aqqaneq-marluk taakku inuunertik allanngortilluinnarsimavaat, toqunneqarnissaminnik sioorasaarneqartareerlutik toqqoqqalluinnarlutik maanna inuupput.

- Titartaasut ilaata pania angutinit muuamaamik upperisalinnit atuarfianut alakkarneqaraluarpoq. Niviarsiararli ullumikkut qujanartumik atuarsimanngilaq, Venstrep oqaaseqartartua, Jens Rohde, TV Aviisimut ilaatigut oqarpoq.

Jens Rohde nutaarsiassaqartitsivimmut Ritzauimut kingusinnerusukkut oqarpoq, muslimit niviarsiaqqamik ujaasisimanerat Muuamaamik titartaasut ataatsimeeqatiginerisa nalaanni tusarsimallugu.

Politiit nutaarsiassaqartitsivimmit Ritzauimit oqaaseqartinneqarsinnaasimanngillat.